Дэлгэрэнгүй
Татаж авах Docx
Дэлгэрэнгүй уншаарай
Би дахин зөвлөе: Буддын шашны бүх дагагч нар сүнсээ аврахын тулд дадуулах Буддын шашны ямар ч арга сонгоогүй бол зүгээр л, “Амитаба Будда” (Авид Бурхан) гэж байнга уншаарай. Унтаж байхдаа ч, идэж байхдаа ч зөвхөн Түүний нэр, Түүний Орны дүр зурагт төвлөр. Боломжтой бол судрыг нь та нар олж болно. Амитаба Буддагийн (Авид Бурханы) Орныг төсөөлөхийн тулд уншаарай, тэгвэл үхээд та нар тэнд очно. Үүрд эрх чөлөөтэй болж, төрөхийг хүссэн тэр Газар Орноо та нар шууд л таних болно. Доогуур төвшинд байлаа ч ахин хэзээ ч үхэж төрөхийн хүрдэнд төрөхгүй, хэзээ ч тамд унахгүй. Тиймээс гуйя, тэгээрэй. Та бүхэн гэтлэгдэж, Буддагийн Оронд, өөрсдийнхөө итгэж сонгосон, шүтдэг аль нэг Бурханы Орондоо төрөл аваасай гэж би чин сэтгэлээсээ хүсэж, амжилт хүсье.Үгүй бол санаарай, Авид Бурханы Орон та нарт хамгийн сайн. Хамгийн хялбар бөгөөд бясалган дадуулахад тун амар. Авид Бурхан, Амитуофо. Намо А Ди Да Пат (Авид Бурхан), Намо Quán Thế Âm Bồ Tát (Арьяабал Бодисадва,) Намо Đại Thế Chí Bồ Tát (Махастамапрата Бодисадва). Та Гуравт итгэдэг бүх хүмүүст, бүх төрөлтнүүдэд тусалдагт баярлалаа. Маш их баярлалаа. Баярлалаа, баярлалаа. A Di Đà Phật (Авид Бурхан).Та нар зөвхөн Ариун Тэдний Нэрсийг уншихад л болно. Авид Бурхан болон Арьяабал Бодисадва гэж хоёуланг нь уншиж болно, эсвэл ганц Авид Бурхан гэж уншаарай. Өөртөө хялбар болгож Шагжамуни Буддагийн Авид Бурханы Орныг тайлбарлаж өгсний дагуу Авид Бурханы Судраас санаж байгаа хэсгээ төсөөлөөрэй. Тийм л зүйл хийхэд болно. Эсвэл зөвхөн Авид Бурханы нэрийг уншаарай, англиар “Намо Амитаба Будда” гэх юм уу аулакаар (вьетнамаар) “Намо A Di Đà Phật” эсвэл хятадаар “Намо Амитуофо” гэх мэтээр уншаарай. Түүний нэрийг та нар өөрсдийнхөө хэлээр, дуудлагаар хэлж сурч болно. Чин сэтгэлтэй л байж, чөлөөлөгдөхийн төлөө Хэнийг шүтэж, гуйж буйгаа мэдэж л байвал Будда ойлгоно. Гуйя тэгээрэй. Тэгээрэй. Үүнээс би юу ч хүртэхгүй. Өөрийнхөө төлөө тэгээрэй. Тэгээд Авид Бурханы аргаар дадуулаад хангалттай хүчтэй болбол та нарт бусад хайртай гэр бүлийнхээ гишүүдийг аврах боломж гардаг. Гуйж байна. Та бүхэнд хамгийн сайхан бүхнийг хүсье. Будда та нарыг адислаг. Авид Бурханы хязгааргүй Гэрэл та бүхнийг Ариун Оронд хүрэн хүртэл өдөр шөнөгүй тусаж байх болтугай. Амен. Амен. Бурханы адислалын хамт, сэтгэлийн гүний Хайрынхаа хамт.Хэрэв та нарын хэн нэг нь миний ярьж байгаа шашны урсгалуудын талаар юу ч мэдэхгүй бол миний та нарт Бурханы Зөвшөөрөл, Ивээлээр дамжуулсан Хамгийн Хүчирхэг Залбирлыг уншаарай. Боломж гарах бүрдээ, цээжилтлээ аль болох их уншвал сайн бөгөөд ингэх аваас идэж, унтаж байхдаа ч далд ухамсартаа тэрхүү залбирал буюу Диваажингуудтай, Бурхантай үргэлж холбоотой байх болно. Үүнийг уншихаар гэртээ харихад тань таны өмнө Бурхан даруй гарч ирнэ гэсэн үг биш. Бурханы Диваажингуудад олон түвшин байдаг. Бурханы Өршөөлөөр та ядаж хамгийн доод Диваажинд ч атугай хүрэх юм. Тэгээд Гэртээ харих хүртлээ дээш үргэлжлүүлэн авирна.Чадахыгаа л хий. Гэхдээ веган байх ёстой, веган байх хэрэгтэй юм шүү. Веган байвал залбирал тань богино хугацаанд ч үр дүнгээ өгнө! Би та нарт энэ бүхнийг чин сэтгэлээсээ, сонсоосой хэмээн залбиран залбиран хэлж байна. Гуйж байна.Миний ойр орчимд заналхийлсэн, тагнасан зүйлс маш олон байгаа тул хэдий хүртэл ингэж ярихаа би мэдэхгүй байна. Иймд гуйя, намайг сүүлийн удаа хэлж байна гэж бодоод сонсоорой. Амьдрал огт таашгүй гэдгийг та нар мэднэ шүү дээ! Та нартай ярих боломжтой байгаад би маш их баяртай байна гэж хэлсний учир нь би хэзээ ярьж чадах, хэзээ чадахгүй болохоо мэдэх аргагүй. Одоо бол би зүгээр, аюулгүй тул санаа бүү зов. Гэхдээ та нарт зориулан, үүнийг бичиж байхад жигд, аятайхан болохгүй байна. Ердийнх шиг, урьд нь олон удаа бичиж байсан шиг болохгүй байна. Яагаад гэвэл чимээ гарахаар хүмүүс ойр орчим явж, эсвэл том амьтан-хүмүүс байж мэднэ гээд бичлэгээ дуусах хүртэл маш олон удаа, ахин дахин зогсоохоос өөр аргагүй болж байна. Иймд сайн сонсоорой. Байдаг л юм гэж бүү бодоорой. Гуйж байна, сайн сонсоорой. Өөрсдийгөө аврагтун.Энэ хорвоо угаас зуурдынх бөгөөд биднийг янз бүрийн нөхцөл байдлаар, эцэст нь үхлээр гайхшируулдаг. Тийм болохоор миний чин сэтгэлийн яриаг... анхны удаа мэт, сүүлийн удаа мэт сонсоорой. Хэн мэдэх билээ. Энэ амьдралд хэзээ ирж, хэзээ явахаа мэдэх аргагүй шүү дээ. Хэзээ төрөхөө мэдэхгүй, хэзээ явахаа ч мэдэхгүй. Хүмүүс ихэнхдээ л мэддэггүй. Иймд бэлтгэлтэй байгаарай. Өөрийгөө бүр одоо бэлтгэ. Бидэнд тийм ч их цаг байхгүй. Дэлхийн төгсгөл болно гэдэгт итгэдэг ч бай, үгүй ч бай бидний амьдрал хэзээд баттай биш шүү дээ. Иймд хойд насандаа, дараагийн алхамдаа өөрсдийгөө бэлтгэх ёстой. Энэ амьдрал шиг тодорхойгүй замаар явахдаа хонхор жалга руу, эсвэл мэдэхгүй зүйл рүү орчхож мэднэ. Амьдралаа алдаж, эсвэл осолдох гэх мэт зүйл тохиолдож болно. Юу ч болж мэднэ. Иймд Бурханыг санахад, Будда нарыг, Гэгээнтнүүдийг санахад зүрх сэтгэлээ бэлдэгтүн.Амьд сэрүүн Их Багш олж чадахгүй бол өөрийн итгэдэг Гэгээнтнийхээ, ядаж л веган, цагаан хоолтон Гэгээнтний Алдрыг уншаарай. Эрт дээр үед цагаан хоолтон хүн бараг веган байсан. Учир нь үнээ-хүмүүсийг тийм их дарладаггүй байсан. Би хөдөө төрсөн. Үхэр-хүмүүс үргэлж бэлчээрт чөлөөтэй бэлчиж, дэргэд нь нэг хүн хариулж явахыг хардаг байлаа. Үхэр-хүмүүст ямар нэг харгислал үйлдэж буйг харж байгаагүй. Тухайн үед тэд тариачдад тусалдаг байв. Одоо ч зарим улс оронд тэгдэг хэвээр, газар хагалж, дэлхийн хүн амийг тэжээж байна. Тиймээс тэд тун сайн байгаа.Энэтхэгт одоог хүртэл, зам дээр үхэр-хүн хэвтэж байвал бүх автомашин зогсоод хүлээдэг. Гэвч зарим газруудад сүүлийн үед – эсвэл өөр шашны урсгалууд орж ирээд Буддын шашныг үгүй хийж, энэрэл нигүүлслийг устгаснаас болоод эртнээс хүмүүс нь үхэр-, гахай-хүмүүсийг өдөр тутамдаа алж байна, яг л бусад улс оронтой адил. Энэ бол үнэхээрийн, тун харамсалтай явдал. Тийм учраас Энэтхэг улс КОВИД-19-т маш ноцтой шийтгүүлсэн бөгөөд хөршүүдтэйгээ дайнтай, бусад олон харуусалтай аллага, хядлагад өртөж буй. Энэтхэгийн ард түмэн нигүүлсэх уламжлалаа алдсан нь тун харамсалтай. Учир нь өмнө нь тэнд зөвхөн Жэйнизм, Хиндүизм, Буддизм л байв; Энэтхэг дэх энэ бүх шашнууд хүмүүст зөвхөн энэрэнгүй байхыг зааж, амьтан-хүмүүст хэзээ ч одоогийн нядалгааны газарт юм уу хаа нэгтээ бидний ханддаг байдлаар хандахгүй байхыг сургадаг байсан. Тиймээс олон Энэтхэгчүүд энэрэл нигүүлслийг ойлгохгүй жинхэнэ Хиндүизмийг мэдэхгүй байгаа юм.Англи улсын өмнөх Ерөнхий Сайд, энэ Ерөнхий Сайдын өмнөх нь Сунак бөгөөд тэрээр өөрийгөө Хиндү шашны жинхэнэ итгэгч гэдэг ч тэр цагаан хоолтон ч биш. Түүний талаар анх шавь нартайгаа ярихдаа би, “Хөөе, одоо бид цагаан хоолтон ерөнхий сайдтай болчихлоо.” гэж хэлсэн. Тэгтэл тэд миний ярианы тэр хэсгийг хассан байсан. Би яагаад гэж асуухад тэд түүнийг цагаан хоолтон биш гэсэн. Би, “Хөөх, уучлаарай. Тэр өөрийгөө жинхэнэ Хиндү шашинтан гэсэн болохоор веган биш юм аа гэхэд ядаж л цагаан хоолтон байх учиртай гэж бодож байлаа.” гэсэн. Ойлгож байна уу? Тэд үүнийгээ алдчихсан. Жинхэнэ Сургаалаа алдчихсан. Хэдэн судар, эсвэл Ведас (залбирлын цуглуулга) энэ тэртэй байлаа ч тэдгээрээ ойлгодоггүй. Олон үе дамжин хэн ч Хиндүизмийн энэрэнгүй мөн чанарыг онцлон тайлбарлаагүй.Тэгэхээр ямар ч лам, ямар ч багш хүмүүсийн итгэлийг буруу зүгт хөтөлж байгаа бол тэд Жинхэнэ Номын төлөө, эрт дээр цагаас уламжлагдан ирсэн жинхэнэ Сургаалын төлөө зүтгэдэггүй юм байна гэж ойлгож болно. Хүмүүсийг буруу ойлголт, итгэл үнэмшлийн буруу чиглэлд хөтлөх нь хэний ч хувьд үйлдэж болох хамгийн адгийн муу гэмт хэрэг юм. Лам хүн, Буддын шашныг төлөөлдөг ахмад хувраг, өөрт нь тусалдаг, өргөл барьж, мөргөж, үр бүрийг нь сонсдог маш олон дагагчтай, олон итгэгчтэй ламын тухайд бол бүр ч ярилтгүй. Энэ бол тун буруу, маш муу, тун муу зүйл. Маяад, чөтгөрүүдэд тусалж, үхэх төрөхийн хүрдийг үргэлжлүүлэн, энэ дэлхийн хүмүүсийг хохироохыг хүсэж байгаа болоод л ингэж тунхаглана.Photo Caption: Дэлхийг Хамгаалахыг Шилдэг нь Мэднэ!
