Дэлгэрэнгүй
Татаж авах Docx
Дэлгэрэнгүй уншаарай
Байгаа зүйлдээ, өөрт тань өгөгдсөн зүйлд баяртай байвал та нар үнэхээр жаргалтай байх болно. Үнэндээ тийм төрлийн бууж өгөлт болон сүнслэг төвлөрөл та нарт их тустай. Энгийн зүйлст анхаарлаа сарниулахын оронд үргэлж төвлөрөлтэй байж, юм идээгүй мэт иднэ. Энэ нь Зен хэв маяг юм. Хоол идээгүй мэт ид, хийгээгүй мэт хий. Үхээгүй мэт үх. Үгүй, үгүй. Амьдраагүй мэт амьдар.Нэгэн ламын түүх байдаг, Америк байхаа, Америк ламын тухай. Нэрийг нь санахгүй байна, тэрээр өмнө нь сүмд лам байсан туршлагаа номд болгон бичсэн байсан. Бусад өөр олон зүйлст суралцсан учраас одоо тэр сүмдээ байдаггүй ба Католик сүмд түүний, мөн хүн төрөлхтний бүх асуултын хариулт байдаггүй мэт санагдсан аж. Өөрийнх нь бодол. Би өөр санаа агуулаагүй юм шүү. Гэсэн ч тэрээр сүмд лам байхдаа тухайн газрын дүрэм журмыг ягштал мөрддөг байв. Хэдэн цагт юу хийх, хэдээс залбирах, тэгээд цэцэрлэгт ажиллаж, хоолоо идэж, залбирал үйлдээд ахиад унтах цаг болно. Ямар ч дүрэм байсан тэр яг таг мөрддөг байж.Тэрээр мөн үргэлж төвлөрөлтэй байж, тухайн шашны бодлогоос юуг нь өөрчлөх тухай ч юм уу эсвэл гомдоллох зүйл байгаагүй. Сүмийн хоол нь заримдаа түүний идэж дассан хоол биш байдаг. Энгийн л хоол. Заримдаа ихэвчлэн ганц бие залуус хэрхэн хоол хийхийг мэддэггүй. Тиймээс хоол нь тун амтгүй байсныг тэр нуугаагүй. Гэсэн ч дараа нь тэнд удаан амьдарч өөрийгөө дасгахыг хичээж, юу ч бодолгүй иддэг байв. Урд нь юу л тавина тэрээр иддэг болсноор зүрх сэтгэлдээ илүү амар амгалан болдог.Дараа нь тэр авшиг хүртээгүй байж, их багш энэ тэргүй байж үнэхээр сүнслэгээр дэвшсэн байсан. Магадгүй ингэж л олон нууц Католик болон Христийн урсгалууд тодорхой төвшний гэгээрлээ олдог байх. Тэд Бурханд бүрэн бууж өгч, хувь тавилан тэдэнд юу ч авчирсан хүлээн авснаар тодорхой төвшинд гэгээрдэг байх нь. Тийм учраас бодол тархи нь хэзээ ч сайн муугийн тухай, хийдийн дадал, дүрэм журам гэх мэтийг өөрчлөх тухай ч юм уу огт бодоогүй. Мөн тэрээр үнэхээрийн сайн ахуй ойлголтууд харсан байсан. Тиймээс зүрх сэтгэл ариун байх нь сүнслэг дадал бясалгалд үнэхээрийн чухал гэдгийг л хэлэх гэсэн юм. […]Photo Caption: Нас ахин, билиг ухаан, хайр тогтоно
