Нэгэнт энэ бие үгүй болбол бүх зүйлс ил тод, нэвт харагддаг. Бид харж, бүхнийг мэддэг. Гэвч энэ бүх багажууд, тамлалыг бид зохион бүтээсэн. (За. Тийм.) Бидний бусдад, амьтан-хүмүүст хандаж байгаа байдал, эхийнхээ хэвлийд байгаа нялхсыг тамлаж буй энэ бүх зүйлс бидний эсрэг ашиглагдана, (За.) үүнийг үйлдсэн ба нүглээ наманчлаагүй, буцаж эргээгүй хүмүүсийн эсрэг ашиглагдана.
Энэ дэлхий үнэхээр аймар. Бурхан минь. (Тийм ээ, үнэхээр.) Ямартай ч үргэлж үхлээр дуусдаг. (Тийм.) Гэсэн ч, үнэхээр аймаар. Там бүр үүнээс арван сая дахин дор гээд төсөөл дөө. (Өө Бурхан минь!) Төрөл бүрийн шийтгэлүүд, төрөл бүрийн тамлалуудтай, ганцхан төрөл ч биш. Төсөөлөхийн аргагүй. (Төсөөлмөөргүй байна.) Хэн нэгэн эргэж ирээд болсон явдлаа хэлдэг ч, тэр нь үнэндээ юу ч биш, цаана нь юу болдгийн өчүүхэн хэсэг. (За.)
Энэ ертөнцөд боломжтой байгаа бүхний цаад эзэн нь бидний бодол санаа юм. (Бурхан минь.) Бид хүний биед байгаа үед л гарч, ойлгож, төсөөлж эсвэл судлахад хэцүү байгаа юм. Энэ биегүй болсны дараа бүгд ил тод, тун ойлгомжтой болно. Бид харж, бүхнийг мэднэ. Гэвч энэ бүх тамлалын багаж хэрэгслийг бид зохион бүтээсэн. (За.) Бусдад ханддаг байдал, амьтан-хүмүүст хэрхэн ханддаг, эхийнхээ хэвлийд байгаа нялхсыг тамладаг байдал гэх мэт бүгд бидний эсрэг ашиглагдана, (За.) үүнийг хийчхээд гэмших ч үгүй, буцаж эргээгүй хэн бүхний эсрэг ашиглагдана.
Тэдний хийх ёстой зүйл бол буцаад эргэх, тэгвэл энэ арилна, яагаад гэвэл тэд өөр зүг явж байдаг, тийм л юм. (Аан, за.) Маш энгийн. Та нар бас үүнээс илүү зүйл хийгээгүй. Энэ бүхнийг мэдэхгүй мунхаг байдлаасаа болж л хийж байсан. (Тийм.) Үнэхээр санаатайгаар гэм хор учруулахыг хүсээгүй.
Гэвч хэн нэгэн, жишээ нь миний шавь хэдийнээ зөв бурууг заалгачхаад, санаатайгаар гэм хор учруулбал эсвэл сахилаа зөрчвөл шийтгэлгүй зүгээр өнгөрөөх боломжгүй. Магадгүй нөхцөл байдлаас хамаарна. Магадгүй, гэхдээ олон олон мянган жил болно. (Өө, Бурхан минь!) (Бурхан минь.) Яг л хуульчтай адил. Тэр бүх хуулийг мэдэх ч алдаа гаргавал хуулийн эсрэг зүйл хийвэл шийтгэлгүй өнгөрөх боломжгүй. (Тийм ээ.) Тэр өөрийгөө хамгаалж чадахгүй. Тийм байдаг. Далайд сэлж байгаад сайн сэлэгч биш бол хөвдөг хийтэй хөвүүрээ хатгаад цоолчихвол тэгээд л гүйцээ. (Тийм ээ.)
Тэгэх ёсгүй гэдгээ мэдэж байгаа ч тэгдэг ба тэгвэл зөвхөн та нар өөрсдөө л буруутай. (Тийм ээ, мэдээж. Үнэн.) Тэгээд завьтай хэн нэгэн ирээд, “Дээш гараад ир! Би эрэгт хүргээд өгье,” гэж хэлэхэд явдаггүй, тэгвэл тэр дуусна. (Тийм ээ.) Удахгүй. Хэдхэн минутын дотор, эсвэл ихдээ хэдэн цагийн дотор дуусна. (Тийм ээ.) Тэгээд л болоо. Ийм ойлгомжтой зүйл байхад хэн нэгэн ойлгож байгаа эсэхийг ч мэдэхгүй юм, эсвэл ойлгохыг, сонсохыг хүсэж байгаа эсэхийг мэдэхгүй.
Бид юу ярьж байлаа? (Солонгосын талаар ярьсан.) Аан, яагаад гэвэл тэд зэр зэвсгээ үгүй хийж, дараа нь өрөвдөлтэй нэгэн хохирогч болохоос эмээсэн. (За.) Аан тийм, энэ бол үнэн. Үнэн. Яагаад гэвэл яаж өөр үл таних нэгэнд итгэх вэ. (Тийм.) Ерөнхийлөгч Трамп хүртэл, Бурхан түүнийг адислаг, энх тайвныг хүссэн. (Тийм, Багш аа.) Энх тайвныг хүссээр байсан ч, Цагаан Ордонд хэр удаан байх вэ? (Тийм.) Дээрээс нь хэдийнээ өндөр настай болсон. (Тийм.) Тиймээс мэдээж Ким Жон Ун дарга айх нь гарцаагүй. Тэдний ард иргэд айна. Засгийн газар нь айна. (Тийм ээ.) Болгоомжилно. Тэгэх нь ч зүйтэй.
Гэвч Ерөнхийлөгч Трамп бас гацчихсан байсан. Америкийн Нэгдсэн Улсын Ерөнхийлөгч байна гэдэг бол энэ Дэлхий дээрх хамгийн хэцүү ажил байх. Үнэхээр хүчирхэг мэт санагдавч тийм ч хүчирхэг биш. Хийхийг хүссэн бүхнээ Конгрессоос асуух ёстой, (За.) Төлөөлөгчдийн Танхим, Сенатаас асуух ёстой, (Тийм.) бас, бас, бас... (Тийм ээ.) Дээрээс нь цэрэг армиас асууна. Тэд зөвшөөрөхгүй бол бас яаж ч чадахгүй. (За, Багш аа.)
Хэрэв аз таарахгүй бол, зарим нэг дайнд дуртай ерөнхийлөгч сонгогдож Солонгостой ахин дайн дэгдээвэл Трамп ажлаа өгчихсөн бол яаж ч чадахгүй. (Тийм, үнэн.) (За, Багш аа.) Албан тушаалдаа байгаа үед нь бол түүний шийдвэрт олон хүчин зүйлс нөлөөлдөг. (За.) Тэр хоригийг цуцлахыг хүслээ ч, аз байгаа эсэхээс хамаарна. (За.) Бүх Конгрессийн гишүүдийн зөвшөөрөл, бас хуулиар зөвшөөрөх эсэх, (За, Багш аа.) мөн цэрэг армийн зөвшөөрөл хэрэгтэй. (За.) Энэ бүх зөвшөөрөл хэрэгтэй.
Ерөнхийлөгч ганцаараа дарангуйлагч болох боломжгүй ардчилалтай улс байгаа нь үнэхээр гайхалтай. (Тийм.) Гайхалтай. Америк үүгээрээ агуу, тэд үнэхээр эрх чөлөөтэй учраас дэлхий дахин тэднийг хүндэлдэг. (Тийм ээ, хүндэлдэг.) Хүн бүр ерөнхийлөгчийг шүүмжилж болно, яг л хэн ч бай намайг шүүмжилдэг шиг. (За, Багш аа.) Тэр яаж ч чадахгүй. Аа! Зарим ерөнхийлөгч тийм биш. Жишээ нь Байден тэр бүгдийг нь шоронд хийчихнэ.
Трампын хувьд тэр яг л хүүхэд шиг. Хүн бүр түүнийг ашиглан мөнгө олдог. Түүний талаар дандаа худал зүйлс бичсэн төрөл бүрийн номууд ар араасаа цувран гарсан. (Аан тийм, тэгсэн.) Түүний талаар тэдний хэлсэн бүхнийг тэр яаж ч чадахгүй. (Тийм ээ, үнэн Багш аа.) Тэр босож зогсоод “Энэ бүгд худлаа, үнэн биш” гэж хэллээ ч, хэн ч юу ч хийдэггүй. (За.) Тэд үүнд дуртай. Түүний талаар хүмүүс муугаар ярихад тэд дуртай. (За.) Тэгээд л ар араасаа олон ном гарсан. Энэ номын бизнесээ тэд хэзээ зогсоохыг мэдэхгүй. Хэчнээн хэвлэлүүд? Хэчнээн ном хэвлэлийн газрууд Трампын талаарх энэ бүх номыг хэвлээд байх вэ? (Тийм.) Гэвч та нарт гэж хэлэхэд тэр үнэхээр хөөрхий. Түүнийг өрөвдөж байна. Ямар ч ерөнхийлөгч ийм их зүйл тэвчиж туулж байгаагүй, ажлаа өгсний дараа нь ч түүнийг элдэн хөөж, их төвөг удсаар. (Тийм.)
Тэгэхээр үнэндээ Бүгд Найрамдах Ардчилсан Солонгос улсын засгийн газар...Ихэвчлэн бид Хойд Солонгос л гэдэг. Шууд санахад илүү хурдан, хялбар байдаг юм. (За, Багш аа.)
Хэл минь мушгирч байна, яагаад гэвэл би өдөр бүр, өдөржин их ярьдаггүй, зөвхөн та нартай л ярьдаг. Хэлээ дасгалжуулах боломж байдаггүй. (За.) Их боломж гардаггүй. (За, Багш аа.) Азаар би та нартай хааяа нэг ярьдаг, (За, Багш аа.) (Үнэхээр их баярлалаа.) бас олон цагаар ярьдаг учраас ядаж л Англи хэлээ санах боломжтой. (За, Багш аа.) Бусдаар бол би англиар уншдаг ч ярьдаггүй. (За.) Та нартай адилаар нэвтрүүлгүүдийг хянаж засах гэж уншдаг.
Тэгэхээр миний бодлоор Бүгд Найрамдах Ардчилсан Солонгос улс Ерөнхийлөгч Трампт тийм хатуу байх хэрэггүй. (Тийм.) Тэр ерөнхийлөгч байхад ч олон хүмүүс түүн рүү байнга дайрдаг байсан. (Тийм.)Тэд ном бичиж, олон ном гаргаж, одоо ч түүний нэр төрийг гутааж, урам зоригийг нь мохоохоор номоо гаргасаар байна. Бие махбодоороо тэр хэр удаан тэсэхийг мэдэхгүй. Тэр хэдийнээ хөгшин хүн болсон. (Тийм.) Надаас ч ахмад, гэтэл би хэдийнээ “бла” гэж байна. (Тийм.) “Хөөх! Ёох!” Тийм байхад түүнд ямар байх вэ? Мэдэхгүй. Тэр эрч хүч дүүрэн мэт харагддаг. (Тийм.) Англи-д ингэж хэлдэг, “Full of beans” гэдэг нь маш их эрч хүчтэй гэсэн үг. (Маш их эрч хүчтэй, тийм.)
Солонгос хүмүүс, Солонгосын засгийн газар, удирдагчид Америкийн системийг тийм ч сайн ойлгодоггүй. (За.) Америк үнэхээр, жинхэнэ ардчилалтай. Өдийг хүртэл тийм байсан. (За.) Байдений удирдлага дор юмс хэдийнээ их өөрчлөгдсөн. Юмс хаашаа явж байгааг мэдэхгүй. (За, Багш аа.) Америкийг бид юу гэж дууддаг болохыг мэдэхгүй. “Эрх чөлөөний орон” хэвээр үү, эсвэл “эрх чөлөөгүй” болсон уу? (Өө тийм.) “Эр зоригтны орон уу” эсвэл “тархигүй хүмүүсийн орон уу?” эсвэл “сул дорой хүмүүсийн орон уу?” Дараа нь юу болохыг мэдэхгүй. (За, Багш аа.)
Мөн Ерөнхийлөгч эсвэл Конгрессийн хийсэн бүхэн хамтдаа багаар байх ёстой. Дэмжиж хамтран ажиллах баггүй бол ерөнхийлөгч хөөрхий. (Өө, тийм.) Жишээ нь Ерөнхийлөгч Трампаас өөрийнх нь нам хүртэл урвасан, өөрийнх нь намын гишүүд, арав гаруй хүмүүс урвасан. (Тийм, Багш аа.) Нэг хоёр ч биш шүү, (За.) бүр ямар ч оргүй шалтгаанаар. Магадгүй зөвхөн үндсэн том хэвлэл мэдээллүүдээс болж олон хүмүүс Трампын эсрэг болсон байх. (Тийм.) Тэр тэдэнд ахадмаар сайн. Системийн хувьд тэр дэндүү сайн. (За Багш аа.) Хээл хахууль авдаггүй, шулуун шударга ярьдаг. Үгээ бөөрөнхийлдөггүй. Юу ч байсан, байгаагаар нь хэлдэг. (За, Багш аа.) Тэр хүмүүсийн юун дээр нь үнсэхийг мэддэггүй. (Тийм, Багш аа.) Тиймээс тэд түүнд дургүй, түүн рүү эцэс төгсгөлгүй дайрдаг. (Тийм.)
Ерөнхийлөгч болохоос нь өмнө нэр дэвшээд өрсөлдөж байхад, (За.) Цагаан Ордонд очихоор өрсөлдөж, тэнд хүрээгүй анхны алхмаа тавихад л тэд түүн рүү нүүр нүдгүй дайрсан. (Тийм.) Хөөрхий энэ залуу яагаад ахиад нэр дэвшихийг хүссэнийг мэдэхгүй. Тэр улс орондоо хайртай байлаа ч, яаж ингэж бодож эрч хүчтэй байдаг байна вэ? (Тийм.)
Түүнийг хараад би тэр биш гэдэгтээ, улс төрд байдаггүйдээ Бурханд талархдаг. (За.) (Улс төр аймаар.) Өө, аймаар бас булингартай. (Тийм.) Бохир заваан бөгөөд үнэхээр ёс суртахуунгүй, аймшигтай, шударга бус бөгөөд төрөл бүрийн сөрөг чанаруудтай. (За.) Тийм байх ёсгүй. Тийм байх учиргүй ч хүмүүс тийм болгодог. (За.) Улс төр муудаа биш, хүмүүс нь тийм. (Тийм ээ, үнэн.) Дэндүү их амбицтай, эрх мэдэл, ашиг хонжоо, нэр алдар, албан тушаалд очих гэж хэт сувдаглан шунадаг. Энэ нь муу. (Тийм ээ, улс төрчид олон нийтэд үйлчлэх учиртай.) Тийм ээ, тийм байх ёстой.
Улс төрчид үйлчлэх учиртай, мөн засгийн газар ард түмнийхээ боол нь байх ёстой. (Тийм.) Ау Лак (Вьетнам)-д “Ард түмний ажилчид” гэж нэрлэдэг. (За.) Гэвч ажилчдадаа юу хийхийг нь хэлсэн хэн бүхэн дуусаа. (Тийм.) Өө тэднийг барьж аваад “там” руу шиднэ. Мэдээж шоронд хийх ч бараг л тамаас ялгаагүй, (За, Багш аа.) хоригдлуудтай хамт байж, төрөл бүрийн өвчлөл, харгислал тэр дотор болдог. (За.)
Тэгэхээр Бүгд Найрамдах Ардчилсан Солонгос улс Америктай адил системгүй. (Тийм ээ, үнэн.) Тиймээс Солонгосын Дээд Удирдагч Ким Жон Ун Даргын хэлсэн бүхэн хууль болдог, (За.) ба бүх засгийн газар нь түүний ард байдаг. (За.) Тэд яаж тэгж ажилладгийг мэдэхгүй. Энэ нь бас их сайн. Гайхалтай систем. (За.) Ганцхан даргатай ба ганцхан жолоочтой учраас бүх дугуй нь нэг зүг эргэнэ. (Тийм, тийм.) Гайхалтай, юмсыг хийхэд бас их амар. (Илүү үр бүтээлтэй.) Илүү үр бүтээлтэй – хэрэв тэр системд ашигтайгаар бүх нөхцөл нь бүрэлдвэл шүү дээ. Тэгвэл сайн.
Энэ дэлхийд хоёр, гурван төрлийн бодлого байдаг. Эрх чөлөөтэй ертөнц,(За.) коммунист ертөнц, (За.) мөн коммунист болон эрх чөлөөтэй холимог ертөнц, мөн коммунист бус эрх чөлөөгүй ертөнц болон Арабын Эмират ертөнц гэж бий. Одоо бас Лалын Эмират ертөнц гэж байдаг болсон. (Өө тийм.) Тэгээд бас Лалын шашинтай ертөнц байна, Исламын ертөнц байна, мөн Исламын Орнуудын ертөнц гэх мэт байдаг. (Тийм.) Хэн ч бай үсэрч орж ирээд өөрсдөдөө зориулаад өөр нэг ертөнцийг бий болгож байна. Улмаар үүнээс болж зөрчилдөөн улам бүр нэмэгдсээр. Нэг ертөнц нь нөгөө ертөнцөө ойлгодоггүй, (Тийм.) (Үнэн.) дайснаа гэж үздэг. (Тийм.) Энэ л асуудал.
Бүгд Найрамдах Ардчилсан Солонгос улс миний бодлоор Ерөнхийлөгч Трампыг үнэхээр сайн ойлгодоггүй. Тэр тэдний төлөө олон зүйлсийг дуртайяа хийх байсан, (За.) гэвч түүний гар нь хүлээтэй. (Тийм ээ, үнэн.)
